JOSHUA
Pagkatapos ng unos, maaliwalas na mundo ang sumalubong sa bagong ako. Sa tulong ni Kamatayan at ng iba pa, nagkaroon ako ng panibagong buhay. Kinupkop ako, binigyan ng bahay na matitirhan, malayo man kay Amira na siyang rason kung bakit ako buhay pa hanggang ngayon, naiintindihan ko ang lahat.
"Joshua, hanap ka ni boss," tawag ni Raphael, room mate ko. Tumayo ako't nagmamadaling lumabas. Hinanap ko kaagad si Kamatayan at nadatnan itong nasa bulwagan. Kasama niya ang kanyang asawa. Nagulat ako dahil naroroon din si Tito Dylan.
Napalunok na lang ako ng laway habang lumalapit sa kanila dahil sa kabang nadarama. Ito ang unang beses na magkakaharap-harap muli kami. Pagkatapos ko silang pagtaksilan, wala na akong mukhang maihaharap pa sa kaniya, sa kanila.
"How are you? Nakahanda ka
