Malapit nang maubos ang pahina ng libro, nasaksihan ang iba't ibang pagkatao. Ang mga batang iniluwal nang may bahid ng kasalanan at sumpa, ngayon ay katulad na ng agila. Ang mga kaluluwang nawalan ng pag-asa, ngayon ay isa nang ganap na malaya. Saksi ang malawak na kalangitan, ang mga tala pati na ang buwan sa kanilang walang hanggang paghihirap, luha, at kalungkutan. Sila rin ang bantay sa pag-abot nila ng kasiyahan at tagumpay. Narinig ni Bathala ang kanilang mga palahaw, nakaalpas sa purgatoryo't namuhay nang normal. Nakipagbaka sa kanilang buhay, natutunan ang importansya ng pagkakaibigan. Sinubok man ng panahon at ng problema, ang apoy sa kanilang puso'y hindi napara, at hindi mapapara.
Ngayong matatapos na ang lahat, hindi pa rin nagbabago ang kanilang mga hiling. Ang maging masaya
