KEISHA
Isang linggo na ang nakakalipas simula noong dumating kami ni Kamatayan dito sa US. Hanggang ngayon nahihirapan pa rin ang mga kasamahan ni Kuya Zach sa paggawa ng lunas sa Vampiro syndrome. Habang patagal nang patagal ang paghihintay, ay siya namang paglalim ng panlulumong nadarama ko.
"Hon, tahan na," ani Kamatayan habang hinahagod ang aking mga balikat. Hindi ko mapigilang hindi maiyak pagkarating na pagkarating pa lang namin sa aming tinutuluyan. Babalik na naman kami sa Pinas sa susunod na linggo ngunit wala na naman kaming mabibitbit na magandang balita sa mga mag-aaral ng Saint Augustus.
"Ano ang sasabihin natin sa mga anak natin? Hindi ko na maatim pang makita ang mga anak kong nagdurusa sa tuwing sasapit ang bilog na buwan. Sawa na akong makitang umiiyak ang panganay nat
