ZCHICK APOLLO
"Dude, hanap ka ni Amira," wika ni Crik. Dali-dali akong bumalikwas ng higa't hinila ang katawan upang tumayo. Puyat ako't inaantok. Hindi na nga ako papasok mamaya dahil pinakiusapan ko na 'yong teacher para sa last subject at sinagutan na ang exam na para sana mamayang hapon.
"Crik, papuntahin mo na lang pala rito sa taas si Amira. Sabihin mo masama ang pakiramdam ko."
"Sige, dude."
Bumalik na ako sa pagkakahiga, kinuha ang unan at itinakip iyon sa mukha. Masyadong maliwanag ang paligid. "Phobos?" rinig kong tawag ni Amira. Naramdaman kong bumigat ang kama, kung hindi ako nagkakamali, umupo siya malapit sa aking ulo. Gumilid ako't niyakap ko ang kanyang tiyan, idiniin ko ang mukha ko roon upang hindi masilaw.
"May sakit ka ba? Anong nangyari? Ang init mo," nag-aalala n
