SHANE
"Uuwi po kami dyan ngayon ni Dylan. Pasabi na lang kay Lola na magpagaling, ah? Sige, hinihintay lang namin na makauwi si Amira para makapagpaalam. Opo, sige, babye," sabi ko sa kabilang linya bago ibaba ang tawag.
Inaayos na ni Dylan ang aming dadalhin, nakapag-impake na rin kami tanging ang pag-uwi na lang ni Amira rito sa bahay ang aming hinihintay.
"Siguro naman kaya nang magsolo ni Amira, ano? Nag-aalala pa rin ako dahil baka biglang sumakit ang ulo niya, wala siyang mahihingian ng tulong," nag-aalala kong ani sa asawa ko. Hinawakan nito ang aking kamay at inihilig ang aking ulo sa kanyang dibdib.
"Wag kang mag-alala, malaki na si Amira at alam kong alam mo na malakas siyang tao," tugon nito.
Alam ko naman iyon pero paano kapag napahamak na naman siya habang wala kami sa p
