Lumakas ang sigawan ng mga manonood noong maka-score na ang kalaban. Patuloy kong tinititigan si Phobos, halatang distracted siya. Nilapitan siya ni Deimos at tinapik sa balikat, tanging tango lang iginanti nito.
"Go Phobos!" sigaw ko.
Kaya niyo 'to...hindi ka babagsak sa simpleng larong ito.
Pagkatapos ng unang puntos, nakabawi rin naman sila kaagad. Ngunit hindi maganda ang mga sumunod. Tinambakan sila ng 6 points bago muli sila naka-score.
"Dapat magtawag na ng break si coach. Mukhang hindi maganda ang kondisyon ngayon ng boyfriend mo, Amira," wika ni Hayashi. Lumunok ako ng laway, napagpasyahan kong kumuha ng tubig sa dalawang cooler ni bobita dahil natutuyo na ang lalamunan ko sa kakasigaw. Habang pinagmamasdan si Phobos, nahagip ng mata ko 'yong pesteng Goliath.
Ano bang prob
