AMIRA
Excited kaming lahat dahil ngayon na ihahain ang pinaka-main event ng interhigh. Natapos na rin 'yong banner na ginagawa ni Rose. Kung hindi ko pa siya sinabihan na bukas na 'yong laro nina Phobos hindi pa niya malalaman. Balak pa naman niyang dalhin sa school sa susunod na araw, eh, end na ng event.
"Okay na ba? Hindi naman chaka ang looks ko? Ang make up ko? Light lang naman 'yan, hindi ko kinabugan," tanong ni Hayashi. Tumango ako dahil nagbibiro ata siya noong sabhin niyang light lang 'yong kanyang make up. Halos pumutok nga sa pisngi niya sa blush on. Kung sabagay, maganda na rin 'yon para kitang-kita talaga siya ni Crik. Pulang-pula.
"Ikaw, Rose? Okay na 'yang ganyan, ang cute mo sa ayos mo. Ikaw talaga ang anghel sa tropahan, mapa-looks at attitude," wika ko. Tanging pulbo
