SHANE
Hindi ako mapakali habang pinagmamasdan sina Amira at Phobos habang nasa labas kaming mag-asawa.
Ilang beses kong hinagod ang aking braso dahil kanina pa ako hindi tinatantanan ng aking konsensya. Habang nilulunod ako ng walang hanggang tawanan no'ng dalawa, hindi kinakaya ng aking dibdib. Hindi ko masabi kung masaya na ako dahil binabagabag ako ng mga salitang binitiwan ni Keisha kanina.
"Hindi ka ba napapagod sa kakatayo? Kanina mo pa sinisilip 'yong dalawa. Wala namang gagawing masama si Phobos kay Amira kaya hindi mo na sila kailangan pang bantayan," wika ni Dylan na nakaupo sa bench.
Nagpakawala ako ng buntonghininga dahil hindi iyon ang iniisip ko kaya ko sila tinatanaw. "I'm just worried, Dylan. Naaawa ako sa mga bata," sagot ko, dahan-dahang naglakad palapit sa kanya. Umu
