XEN
"Ano? Kaya pa ba, Finn? Inom ka muna, pampakalma ng pusong nanggigigil," alok ko sabay angat no'ng basong may lamang vodka. Tamang chill lang muna kami rito habang hinihintay namin si Kamatayan. Kahit pa man kasi gusto na naming unahan itong si Joshua, hindi pwede. Kailangan sa piging, ang Hari muna ang titikim ng nakahaing pagkain.
"Si Dylan? Hindi ba rito pupunta? Hindi niya man lang ba kakausapin ang bata niya bago mamatay?" tanong nito pagkatapos lagukin ang alak na binigay ko.
"Hindi, eh. Pero alam ko 'yong kakambal niya ang pupunta, si Daniel. Baka nga sabay pang dumating sina Kamatayan, hintayin na lang natin."
Hindi ito kumibo at doon na natapos ang aming pag-uusap. Nagkasundo kami na pagmasdan na lamang ang binatilyo na kanina pa nagsasalita nang mag-isa. Hindi namin marin
