AIZARINA
"Ano bang ginawa ko sa kanya para ganituhin niya ako? Ibinigay ko naman ang lahat, di ba? Effort, oras, atensyon, pagmamahal, ano pa bang kulang?" tanong ko sa apat kong gunggong na tauhan.
Inilagay ko ang aking dalawang kamay sa aking dibdib at umaktong nahihirapang huminga dahil sa labis na pagtangis. Tuloy-tuloy ang pag-agos ng aking luha habang nakahilig ang katawan sa balikat ni Joker.
Narinig ko ang pag-igting ng ngipin nito dahilan upang magbunyi ang aking kaluluwa sa loob.
'Yan, tama 'yan! Magalit kayo, kamuhian niyo sina Phobos at Amira. Gamitin niyo ang apoy na iyan para pagalawin ang inyong sistema at gumawa kayo ng kasalanan para sa akin, hahahahaha!
"Kamahalan, wala kang pagkukulang, iyan ang tandaan mo. Binalaan na kita noon pa man na isang malaking tinik 'yong
