Point of view
- Emma Addison -
Tumigil ang sinasakyan naming kotse ni Noemi sa isang malaking bahay. Sa tingin ko ay isa itong lugar sa Manila. Halos hindi ko na rin makita dahil madilim na nang kami ay dumating dito.
Bumukas ang isang malaking gate at nagsimulang pumasok ang kotse sa loob. Sa tingin ko ay ito ang tahanan ni Noemi.
Nang kami ay bumaba sa sasakyan, nanlaki ang aking mga mata nang mamasdan ang napakalaki at napakaganda nilang bahay. Tila napalilibutan ng salamin o bintana ang bahay nila. Mayroong malaking balcony at pintuan na may dalawang bukasan. Sa paligid ng bahay ay isang malaking hardin at mga bulaklak na nakatanim dito.
Hindi ko alam kung ano ang pumasok sa aking isip, dahil bigla ko na lang naalala ang mansion kung saan kami tumigil ni Joseph noon
