Point of view
- Emma Addison -
Mabilis at sunod-sunod ang pagpatak ng aking mga luha. Ang bilis ng t***k ng aking puso ay dahil sa matinding kaba na aking nararamdaman.
Patuloy lang akong nakayakap sa katawan ni Joseph habang sunod-sunod ang pagdaloy ng dugo sa sugat na nasa kanyang likuran. Ang masama pa nito ay halos malapit sa kanyang puso ang tama ng bala.
"Tulong! Tumawag kayo ng ambulansya!" sunod-sunod kong sigaw.
"Huminahon ka, Emma. Parating na sila," narinig kong saad ni Noemi.
Nakahawak ang kamay ni Noemi sa aking balikat at pilit akong pinakakalma. Ang mga pulis naman, nagmadaling pumunta sa katawan ni Lance upang makita kung ito ay wala nang buhay.
Makalipas ang isang sandali, dumating din ang ambulansya rito sa isang liblib na lugar sa Tanza Cavite.
Marahan nilang kin
