Point of view
- Emma Addison -
Walang imik si Joseph nang siya ay sampalin ng kanyang sariling ina. Ako naman ay nabigla sa mga pangyayari. Ang totoo, sa tagal naming magnobyo noong kami ay nag-aaral pa, ngayon ko lang nakita nang malapitan ang kanyang magulang. Dahil sa tuwing ang mga ito ay pumupunta sa aming eskwelahan, hindi rin naman sila nakikisalamuha sa mga tao. At noong panahong iyon, abala rin ang mga magulang ni Joseph sa kanilang lumalagong kompanya, kaya kahit nais ni Joseph na ako ay ipakilala sa kanila, hindi kami makakuha ng pagkakataon.
Nakita ko ang muling pag-angat ng mommy ni Joseph ng kanyang kamay. Isang malakas na sampal na naman ang nais niyang ibagsak sa mukha ng kanyang anak.
Nais kong protektahan si Joseph kaya naman sinubukan kong pigilan ang kam
