"Kailan ba kabuwanan mo?" seryosong tanong ko sa kaibigan matapos naming magtawanan.
"Kabuwanan ko na. Hinihintay ko lang na lumabas na si baby," nakangiti nitong tugon habang hinahaplos ang kaniyang tiyan.
Sobrang namangha ako sa aking narinig.
"Wow! Congrats!" masaya kong bati.
Kaya pala ang laki na ng tiyan niya. Samantalang ako kahit sino ang makakakita sa akin ay hindi talaga aakalain ng iba na buntis ako.
Pasimple kong hinawakan ang aking tiyan dahil nagtataka ako kung bakit maliit lang ang tiyan ko?
Kahit nga ako ay matagal kong nalaman na buntis na pala ako.
Ang akala ko ay delay lang ako ng regla ko. Iyon pala mayroon ng laman.
Kung hindi lang sumama ang pakiramdam ko ay hindi ko pa malalaman.
Gulat na gulat nga ako ng sabihin sa akin ng doctor na limang buwan na
