"Naks, ang talino pala ng Kokoy ko," panunukso ko kay Kokoy nang makabalik na siya sa kama kung nasaan ako.
"Bakit, ikaw ba hindi?" 'di makapaniwala niyang tanong sa akin. "Ang dami mo ngang alam," dagdag niyang saad.
"Hindi! Naging maloko lang naman ako nang makilala kita!" Mabilis kong sagot sa kaniya at hindi nagdalawang isip na aminin sa kaniya ang totoo.
Hindi siya kumurap nang tingin sa akin na para bang ayaw nitong maniwala sa aking sinabi.
Gusto kong matawa sa reaksyon niya dahil parang pinaramdam niya sa akin na hindi ako nagsasabi ng totoo.
"Mabuti na lang talaga dahil nagmana siya sa iyo at hindi sa akin," dagdag kong sabi ng hindi siya kumibo.
"Ako pa ang niloko mo!" reklamo niya sa akin.
Natawa ako. "Kung alam mo lang, Koy. Sa tuwing may tinatanong ang guro at nagh
