"Ayos ka lang ba, Koy?" nag-aalala kong tanong sa kaniya dahil sa inasal ni Daddy kanina. "Pasensya ka na kay Daddy ganoon lang talaga iyon... pero nagbibiro lang 'yon," nag-aalangan kong dagdag dahil nag-aalala ako sa nararamdaman niya.
Nasa loob kaming dalawa ng kotse ngayon at hinihintay na lang si Manong para ipagmaneho si Kokoy pauwi.
Kahit nagpupumilit si Kokoy na umuwi siyang mag-isa ay hindi pumayag ang parents ko.
Lalo naman ako dahil alam kong diretso na siya sa LiquiDoze bar para magtrabaho.
Hindi na ako mapakali kanina pa dahil alam ko ang ugali ni Kokoy.
Hindi pa man masyadong matagal ang relasyon at pagkakasama namin pero alam kong ayaw ni Kokoy na inaalok siya ng bayad.
At kung hindi lang dahil sa nangyari kay Nanay Melita ay hindi ko kaya at hinding-hindi ko mabib
