"Ano ba ang mga tingin na 'yan, Koy?" natatawa kong tanong dahil masyadong mapang-usisa ang mga titig niya sa akin.
Parang kahit ang kaluluwa ko ay kinakalkal na niya kahit na wala naman siyang sinasabi.
"Wala," tipid niyang tanggi sa akin kahit na halata naman sa boses niya na naiinis.
"Wala? Pero bakit ganiyan ka makatingin sa akin? Parang inaakusahan mo na ako kaagad!" kunwari ay nagtatampo ako.
Pero ewan ko ba kung bakit parang hinaplos ang puso ko sa reaksyon ni Kokoy ngayon.
Ito pa lang ang unang pagkakataon na nagselos siya na masyadong halata.
Pakiramdam ko tuloy ay talagang napakahalaga ko sa buhay niya.
Para akong babasagin na gamit na dapat na inaalagaan.
"Ano ba ang ginawa ng gagong iyon dito? Nanggugulo pa rin ba iyon sa iyo?" sunod-sunod niyang tanong at pabagsak n
