"Grabe naman iyong kimpi rito, Koy. Hindi man lang natakot sa sipa ko kahit na nilakasan ko na. Ayaw talagang tumigil at muntik na talaga akong mainis kanina sa kanila Koy." Bumuntong ako ng hininga bago nagpatuloy sa pagsasalita. "Kinabahan talaga ako kasi muntik na akong makagat sa puwit! Konti na lang ay tataob na yun sa singit ko," natatawa kong reklamo habang nagbibihis ako ng damit.
"Hindi ko naman hahayaang makagat ka, kahit lamok ay hindi ko hahayaang makadapo sa balat mo, Teria," seryoso niyang turan at wala siyang kaalam-alam na dahil sa sinabi niya ay gusto nang tumalon ng puso ko.
Iyong pakiramdam na halos mahulog na ang panga ko sa pagkamaang at pakiramdam ko ay amin lang ni Kokoy ang mundo.
Matagal bago bumalik ang aking diwa at kung hindi ulit ako kinalabit ng kimpi sa
