Nauna akong naglakad papasok ng opisina ni Blue. Padabog akong nagmamartsa habang nanghahaba ang aking nguso sa simangot. Naiiyak ako sa sama ng loob dahil wala pa pa lang nakakaalam dito sa opisina niya na asawa na niya ako.
Ayaw ko man magalit dahil naiintindihan ko naman kung hindi pa niya nai-broadcast na nag-asawa na siya. Pero kasi sobrang naiinis ako nang datnan ko roon iyong babaeng ex-fling niya na Nerissa ang pangalan. Hindi ko alam kung ano ang sadya niya pero sobrang nagwawala siya kanina na halatang galit na galit lalo na ng bitbitin ito ng mga guard at naghihisterya. Ibig sabihin, hindi lang sa cellphone siya ginugulo ng babae, maging dito sa opisina niya ay gumagawa ito ng gulo.
Masaya akong malaman na gumawa si Blue ng aksyon para hindi makalapit ang Nerissa na 'yon sa ka
