"Blue, relax ka lang. Walang mangyayaring mabuti sa pupuntahan natin kung paiiralin mo ang init ng ulo mo. Baka hindi sumama sa iyo si Alessandria kapag sinaktan mo ang lalaking nakausap mo sa cellphone mo," sermon sa akin ni Erwin habang nasa himpapawid kami.
Naikwento ko sa kanya kanina pa ang tungkol sa lalaking nakausap ko kaninang umaga. At hanggang ngayon ay mainit pa rin ang dugo ko sa gagong 'yon. Gustong-gusto ko ng puntahan at makita si Alessandria. Gusto ko rin makita ang tarantadong lalaki para makatikim siya ng bagsik ng aking kamao.
"Damn that f*****g asshole! Ang kapal kasi ng mukha na hawakan si Alessandria! Sino 'di maha-highblood kapag gano'n ang maririnig ko?" inis ko namang sabi habang mahigpit na kuyom ko ang aking mga palad. Kanina ko pa gustong manuntok, nagwala n
