Naghintay ako ng tawag ni Alessandria kinaumagahan. Paggising ko pa lang ay ang cellphone ko na agad ang aking hawak. Ang sabi niya tatawagan niya ako ngayong umaga dahil iyon ang sabi niya kagabi. Ngunit inabot na ako ng alas-onse ng umaga sa kakatitig ko sa cellphone ko ay wala pa rin siyang tawag. Ilang beses ko na rin tinawagan ang numero ng cellphone niya ngunit sarado pa rin ito at hindi ko pa rin matawagan.
Gino-good time lang yata ako ng babaeng iyon. Wala naman yata siyang balak na tawagan ako dahil hanggang ngayon, nganga pa rin ako rito habang naghihintay na tumunog ang cellphone ko. Kung hindi lang sana naputol ang tawag niya kagabi ay nakulit ko pa sana siya para nalaman ko na kung saan siya naroon at nasundo ko na. Sa malas naman, naputol ang usapan namin at hindi tuloy ako
