Pinatay ko ang tawag at tinakbo agad ang pagitan naming dalawa ni Alessandria. Kaagad akong humalik sa pisngi niya habang niyakap ko naman siya sa kanyang baywang at iginiya papunta sa parte ng pasilyo na malayo sa hagdan. Baka sapian ng init ng ulo ang asawa ko ay bigla akong itulak dahil sa selos niya.
Halata ko ang selos sa kanyang mukha at bago pa uminit ang dugo niya sa akin. Magpapaliwanag na ako dahil ayaw kong muli na naman kaming magkaroon ng iringan. Sensitive pa naman siya ngayon lalo na at ito yata ang peak ng kanyang paglilihi.
"Sino iyong Nerissa, Blue?" tanong niya habang nakatitig sa aking mga mata. Nang-aarok ang kanyang mga mata at hinanap sa mukha ko ang kasagutan sa kanyang tanong.
"Ex-fling ko, babe. Nabunggo ko ang sasakyan," panimula ko habang nag-aalangan ako na
