"PARA ka namang sino kung magsalita. Bakit, sino ka ba para takutin kami? Mukhang ibang planeta yata ang napasok mo eh," ismid na sabi ng ama ni Ronalyn.
"What did you say? Ibang planeta? Well, well, so far as I know I'm still in the planet earth. Pero teka lang, hindi ba't sinabi kong tawagan ninyo ang abogado n'yo dahil idedemanda ko kayong tatlo!"
Ayun at napasigaw na naman ang leona.
"At bakit, aber? Ano'ng kasalanan namin para idemanda mo? You must be dreaming! Let us go and we'll just forget what you did to us," ani naman ng Ginang.
Sa narinig ay nais sabunutan ni Whitney ang tatlo lalong-lalo na ang Ginang. Huling-huli na nga sa akto eh nagsisinungaling pa. Pero mas nakakapanggigil ang iba pang aspeto sa kaso nila. Laya't todo-pigil siya sa galit na lumulukob sa kaniyang pagkata
