BUMALIK kami sa office ng Treasureʼs Wine. Ilang araw lang naman ang magiging pasok namin dahil sa December 30 ay wala na rin kaming pasok hanggang January 2. Kaya bale three days lamang ang ipapasok namin ngayon.
“Wow! Bagong gupit Klay? Hindi ka naman broken pero bagong nagpaikli ka ng buhok?” malakas na sabi ni Vinz.
Dating gawi ay nasa canteen kami nag-uusap. Hindi naman kami pʼwedeng mag-usap habang nagta-trabaho. Nakakahiya sa mga regular empleyado roon.
“Kapag nagpagupit, broken na agad? Gusto ko lang magbagong buhay! Saka ang haba na ng buhok ko!” malakas na sabi ni Klay. “Lumayo ka nga sa akin, Vinz! Nabu-bwisit ako sa iyo!” dagdag na sabi niya sa akin at tinaboy niya si Vinz.
Hindi na lamang ako nagsalita at baka mapunta pa ang usapan sa akin. Mahirap na, ano? Kaya nga binig
