"Nagkausap kayo, bro?" salubong na tanong ni Luke sa kaniya.
Naglakad siya palabas ng subdivision na tinitirahan ni Jeni dahil hindi siya pinapasok ng guard. Tinawagan na lamang niya si Luke na sunduin siya nito.
Tumango si Storm sa kaibigan. Bagsak ang kaniyang mga balikat at ang walang ngiting sumisilay sa kaniyang mga labi.
Tinapik ni Luke ang kaniyang balikat. "Bigyan mo na lang ng oras si Jeni, bro. Sariwa pa sa kaniyang puso ang sugat na ginawa mo at igalang mo na lang na kamamatay lang ng asawa niya. Hindi mo siya p'wedeng parusahan ng ganito, bro."
Sumandal si Storm sa kaniyang kotse na dala ni Luke. "Sa tingin mo dapat ko siya hayaan na lang muna?"
"Oo naman, hindi mo siya mapipilit kung hindi ka pa niya handang patawarin. Hayaan mo na lang muna si Jeni na mapag-isa. Kung tal
