“ELISE!” Nangatal ang buong kalamnan ni Terrence nang makitang nakahiga na sa lupa si Elise, may dugo sa noo at walang malay.
Mabagal lang ang takbo ng delivery truck ngunit malakas pa rin ang impact nito kay Elise. Huminto rin ito kaagad at bumaba ang driver at pahenante. Tumakbo siya palapit kay Elise at hindi malaman kung paano ito bubuhatin dahil sa labis na emosyong lumukob sa kaniya. Napaluha na siya.
“Call the ambulance!” sigaw niya sa tauhang palapit sa kanila.
Tumalima naman ang mga ito.
Inangat niya ang ulo ni Elise at pinaunan sa kaniyang mga hita. Nang lumapit sa kaniya si Thalia at paluhod na humingi ng pasensiya, hindi niya natimpi ang galit at nasapok niya ito ng kamao sa mukha. Bumulagta ito sa lupa at kaagad umiyak.
“F*ck you, b*tch! Don’t show me your f*cking fa
