"Sunod-sunod ang pagsunog at pagsabog ng mga planta at ng mga bodega, boss. Talagang ang mga negosyo ninyo ang tinatarget nila. Ang Casa, kanina lang ni-raid ng mga police. Maraming mga nahuling menor de edad sa loob. Hindi ko pa rin makausap si Elsa kung bakit hindi sila sumunod sa bagong management. Maraming mga kasosyo ninyo ngayon ang naghihintay sa mga paliwanag ninyo. Boss, ano ang gagawin natin ngayon?" nag-aalalang tanong sa akin ni Venom. "Paano kung ilaglag nila ang pangalan mo? Paano kung tuluyan kang mahuli ng mga pulis?"
Nandito kaming dalawa sa ranch ng Villa Cortesi. Nanginginig sa galit ang aking katawan habang sinasabi sa akin ni Venom ang mga problema.
Mabuti na lamang at hindi ko ipinangalan sa akin ang mga negosyong iyon. Nakapangalan pa rin kay Don Guerer ang lahat
