"DUMATING na ba siya?" paulit-ulit kong tanong sa aking private nurse. Kanina pa ako nakadungaw sa bintana at inaabangan ang pagdating ni Caliver. Ilang araw na siyang hindi umuuwi dito sa bahay namin.
"Ma'am Fiona, hindi pa po dumadating si Sir Caliver. Ang mabuti po matulog na po kayo, ma'am," pakiusap sa akin ng nurse.
"Ayoko! Hihintayin ko siya hanggang sa makauwi siya baka kasi makita si Daddy at patayin siya. Mapapahamak siya dahil sa akin..." Kinagat ko ang ibabang labi ko habang nakatingin dito.
Nagkatinginan ang dalawang nurse na nasa harapan ko. Hindi nila ako naiintindihan. Labis akong nag-aalala para kay Caliver dahil ayokong mapahamak siya.
Nagsasawa na akong uminom ng mga gamot. Hindi ko naman nararamdaman na umeepekto ang mga iyon sa katawan ko. Palagi akong nanghihina d
