HINDI maalis ang mga mata ko kina Brandon at Lunnox na nagtatawanan sa loob ng isang coffee shop. Inis ang nararamdaman ko sa aking sarili dahil hinahayaan ko na maging close silang dalawa. Hiniling ko kay Brandon na sabihin kay Lunnox ang isang kasinungalingan para mas lalo niya akong kamuhian.
Sumandal ako sa gilid ng pader upang hindi nila ako makita. Gusto kong maging masaya si Lunnox na wala ako. Gusto kong maging malapit sila ni Brandon dahil alam ko na nasa mabuti siyang kamay.
Kung p'wede ko nga lang na piliin ang babaeng minamahal ko... pero hindi p'wede dahil nakatali pa rin ako sa isang pangako.
Si Fiona, hindi ko alam kung kailan siya gagaling o kung gagaling pa siya. Hindi ko na siya kayang kontrolin at palaging nag-iiba ang mood niya. Hanggang ngayon sinisisi ko pa rin ang
