"Warren!" Malakas kong sinipa ang gate niya at saka sumandal doon dahil nahihilo pa rin ako. Ilang beses na akong nag-door bell pero walang sumasagot. Wala akong ibang mapuntahan ngayon dahil kailangan ko ng matinong kausap.
"Sandali lang!" ganting sigaw naman nito na palapit na sa gate. Binuksan nito iyon at nang makita ako ay kaagad akong nilapitan.
"Ang aga-aga naman niyang paglalasing mo, Caliver. Ginagawa mo bang kape ang alak sa bahay ninyo?" ani Warren habang inaalalayan ako na pumasok sa loob ng bahay nito. Pinaalis ko ang mga tauhan ko nang makaalis ako sa bahay ni Brandon. Gusto kong mapag-isa at makapag-isip.
Hinawakan ko ang magkabilang braso ni Warren at tumingin sa mga mata niya. "Tama ba ang desisyon ko na hayaan na lang si Lunnox, Warren? Ito ba talaga ang dapat na ginag
