BINALOT ng makapigil hiningang kirot ang sistema ni Camia habang nagsusumikap na mailuwal nang maayos ang sanggol sa kanyang sinampupunan. Hindi na niya inisip ang sakit. Sa halip ay sinariwa niya sa kanyang isip ang mga sandaling kapiling niya si Remus hanggang sa huling pagkakataon at kasalukuyan. Paulit-ulit niyang iniisip ang matatamis na sandali noong kasama niya ito.
"Remus?" bigkas ni Camia matapos niyang marinig ang boses ni Remus na nagsalita.
Marahas siyang tumayo at pumihit siya sa kanyang likuran. May ilang sandali siyang tulala habang gulantang na nakatitig kay Remus na nakatayo sa kanyang harapan. Suot nito'y abuhing tuxedo. Humaba ng isang pulgada ang buhok nito. Bahagyang nahumpak ang pisngi nito dala ng pangayayat pero hindi iyon kabawasan ng kaguwapuhan nito. Matamis a
