NAPANATAG ang loob ni Camia nang makompirma na wala nang mga bampira sa bansa. Nakatanggap din siya ng balita tungkol sa CLC corporation. Hindi na daw si Remus ang namamahala ng naturang kumpanya. Nakausap niya si Joshua at ito mismo ang nagsabi na umalis papuntang Russia si Remus at hindi sinabi kung kailan ito babalik. Kumalat din ang isyu na may bago na raw magmamay-ari ng kumpanya na siyang napili ni Remus na hahalinhin dito o mas tamang sabihin na tagapagmana. Naisip niya, iyon na marahil ang resulta ng Last Will ni Remus.
Nakauwi na siya sa bahay niya at patuloy pa rin ang pagtatrabaho. Dalawang buwan na ang nakalipas magmula noong tinalikuran niya si Remus. Isang linggo lang pagkatapos niyon ay nabalitaan niya na umalis papuntang Russia si Remus. Marahil ay kasama nito lahat ng ala
