TATLONG araw ang iginugol ni Camia para matapos ang limang perasong silver bullet para sa kalibre trenta'y singko. Ngayong alam na niya na isa siya sa target ng mga bampira ay lalo siyang naging handa. Patuloy pa rin ang imbestigasyon niya tungkol sa kaso ni Cole dahil natiyak na niya na may kinalaman pa rin ang mga bampira sa pagkawala nito. Kailangan niyang malaman kung ano ba talaga ang nangyari rito o kung buhay pa ba ito. Hindi niya ito puwedeng balewalain kahit pa sinabi ni Cole na pabayaan na niya ito. Malaki ang parte ni Cole sa buhay niya kaya hindi niya ito basta mababalewala. Magtagumpay man siya o hindi, ang mahalaga ginagawa niya ang lahat.
Halos isang linggo na ang nakalipas magmula noong huli silang nagkita ni Remus pero alam niya na umaaligid lang ito sa kanya. Sa loob ng
