NAGHAHABOL ng hininga si Camia habang walang tigil siya sa pagtakbo. Hinahabol siya ng mga paniki.Bigla siyang huminto nang wala na siyang ibang matakbuhan dahil tanging pader na lang ang nasa harapan niya. Pumihit siya sa kanyang likuran kung saan namataan niya'ng nag-ipon ang mga paniki at unti-unting nakakahulma ng bulto ng isang tao. Nang tuluyang naging tao ang mga paniki ay nagulantang siya nang naging si Cole ito. Nginit ibang Cole ang kanyang nakikita. Maputla ito at nangingitim ang paligid ng mga mata.
"C-Cole..." bigkas niya.
Akmang lalapitan niya ito ngunit bigla siya nitong sinunggaban. Nangilabot siya nang masilayan ang mga pangil nito. Akmang sasakmalin siya nito ngunit may humila sa kanya paiwas kay Cole. Sa lakas ng pagkakahatak sa kanya ay napasalampak siya sa lupa. Napa
