KAHIT itaboy o iwasan ni Camia si Remus ay hindi niya maikakaila na nami-miss niya ito. Ilang araw lang niya itong hindi nakita, pakiramdam niya'y kainip-inip ang bawat detalye ng buhay niya. Nang tuluyan siyang pumasok sa pinto ay hindi siya nakahuma nang mabilis na nakasunod sa kanya si Remus.
Bubuksan sana niya ang ilaw ngunit nagulat siya nang hawakan ni Remus ang kamay niya saka siya hinatak padikit sa isinara nitong pinto. Tanging malamlam na ilaw na nagmumula sa labas na tumatagos sa binata ang nagsisilbing ilaw sa kabahayan. Naaninag niya ang bulto ni Remus pero hindi niya masyadong klaro ang mukha nito.
Dalawang kamay na niya ang hinawakan nito saka nito itinaas ang mga iyon sa kanyang ulunan habang nakadikit sa dingding. Inalis nito sa kamay niya ang baril saka inihagis kung
