HINDI napigil ni Remus ang kanyang galit nang saksakin ng kaaway niyang bampira sa katawan si Cole. Huli na nang maabutan niya ito. Bumagsak na sa sahig si Cole. Nahuli naman ni Torio ang tatakas sana na lalaking bampira saka nito dagling pinugutan ng ulo.
Umaasa siya na maagapan niya si Cole pero ramdam niya ang mahinang heart beat nito habang kalong niya ito sa kanyang mga hita. Kahit minsan siyang nagalit dito dahil sa pagturo nito sa kanya sa mga kalaban ay naramdaman pa rin niya ang lukso ng dugo. Naging emosyonal siya habang pinipilit itong magsalita.
"You won't die, Cole. I'll bring you in hospital," sabi niya rito.
Tumitig ito sa kanya habang mahigpit ang kapit sa braso niya. "S-Sorry...n-natakot ako. P-papatayin nila si Camia. Please, protektahan mo siya. N-nasa kanya ang susi
