Chapter 10
HININTAY ni Samantha ang pagdating ni Sir Trevor o mas kilala bilang Tres. Naroon siya sa labas ng café habang nakaupo at umiinom ng ice coffee. Alas singko ng hapon at hindi pa siya nakakabalik sa bahay ni Franco na nasa Diamond Subdivision.
Gusto niyang personal na makausap ang amo para makapag-resign siya ng maayos dito. Dahil bilang empleyado ay kailangan niyang irespeto ang boss niya. Hindi siya p'wedeng umalis na lang basta-basta. Isa pa ay naging mabuting amo ito sa kaniya.
Paubos na ang ice coffee na iniinom niya nang dumating ang sasakyan ni Tres. Ipinarada nito iyon sa parking lot ng café at saka ito bumaba roon. Nakita siya ni Tres sa labas ng café at pinuntahan siya nito.
Tumayo siya at umupo rin kalaunan nang sumenyas ito na umupo. "Hindi ka naka-duty, Miss Pab
