Chapter 53
NAGHAHANDA na para mag-out sina Pan at Samantha ng tanghali nang may dumating na aplikante para mag-apply bilang barista. Tansiya ni Samantha ay nasa edad bente dos hanggang bente tres anyos ito.
Mukha itong pagod na pagod habang may hawak na brown envelope. Nakikita ni Samantha ang kaniyang sarili sa babae. Kaagad na nilapitan ni Samantha ang babae.
"Sorry, a. Puno na kasi kami, nasa lima na Ang staffs ko." Tukoy ni Samantha kina Jojo, Rachel, Lina, Mary at Manong Nestor na kanilang personal bodyguard. Tauhan ni Franco ang mga ito na hindi pa rin umaalis sa kaniyang café dahil bayad na sila ni Franco ng isang taong serbisyo sa café niya.
"May sakit kasi ang nanay ko at malubha na siya. Gusto ko sanang mag-apply kahit na tagalinis lang ng café o kaya taga hugas ng mga tasa.
