“AGATHA, please, be careful,” saway ni Bia sa kaniyang panganay na anak na si Agatha Rose Ladjasali. Tatlong taon na ito at isinunod talaga nila ni Kennedy sa kaniyang namayapang ina ang pangalan ng kanilang panganay na anak.
Humihingal pa si Agatha nang lumapit sa ina. “Mommy, si Kuya Azrah po kasi panay ang habol sa akin. Mommy!” palirit pa ni Agatha nang maabutan ito ni Azrah. Pagkuwan ay pinagkikiliti na ikinahagikhik ng kaniyang anak.
Nangingiti si Bia na si Azrah naman ang sinaway niya. “Enough na, Kuya Azrah,” saway niya sa pamangkin na panganay na anak nina Samarrah at Azriel.
Hindi kasi siya makatayo basta-basta dahil sa malaki niyang tiyan. Kabuwanan na niya para sa pangatlong anak nila ni Kennedy. Nakadalawang sunod silang babae na anak. Si Kenna naman ang pangalawa. At ang p
