Cali
"Mahal na Ahro, ipagpaumanhin niyo po ngunit wala akong mahanap na kahit ano mang impormasyon tungkol sa kaniya." Yumuko ito sa harap ko kaya napakunot ang noo ko.
"Walang sino man sa bayan ang nakakakilala sa kaniya kaya wala akong makalap na impormasyon kung sino siya. Ni pangalan ng ama't ina niya'y walang nakakaalam." dag-dag niya. Tumango na lamang ako't sinabihan siyang umalis na sa harap ko.
Sinasabi ko na nga ba't kahina-hinala ang pagkatao ng babaeng 'yon. Isa lamang siyang Alipin, pero kaya niyang tapatan ang lakas ni Lymuel. Bukod tangi ang kakayahan naming mga Maharlika, kaya higit na mas malakas pa kami sa kahit na sinong Malaya at Alipin.
"K-kuya..." Kaagad akong napalingon. Na
