HINDI PA RIN makapaniwala si Hanz sa mga nalaman mula kay Mavielyn na hindi ito tao. Hindi sila magka-uri. Sinabi lang ng asawa na hindi ito tao pero hindi naman nito sinabi kung ano ito.
Napabuntong-hininga si Hanz habang panay ang tingin sa suot na relo. Isang oaras na lang bago maghating-gabi at hindi pa bumabalik ang asawa. Nagpaalam kanina sa kaniya si Mavielyn na may pupunta lang ito sa dalampasigan at huwag na niya itong hintayin pero nag-aalala na siya rito.
Aaminin niyang wala silang maayos na pag-uusap ng asawa pagkatapos nitong sabihin sa kaniya ang tungkol sa pagkatao nito. Malalim na napabuntong-hininga si Hanz at lumabas ng kwarto.
Hahanapin na lang niya ang asawa dahil baka may masamang mangyari rito. Hindi pa nito kabisado ang buong lugar. Baka na
