MAAGANG nangyari ngayon ang sumpa. Nawala rin sa isipan ni Prinsesa Gabril ang tungkol rito dahil pagbalik niya galing Tagaytay, naging abala siya sa vet clinic niya. Napabuntong-hininga si Prinsesa Gabril habang nakatingin sa bilog na buwan. Hindi siya nakauwi sa probinsiya at nanatili na lamang siya sa bahay niya. Bigla niya tuloy naalala ang nangyari noong kasama niya si Prinsesa Phyills na pinagdaanan ang sumpa. Pinaglaruan nila ang mga bodyguard na ibinigay ni Reigo sa kanila.
Natawa si Prinsesa Gabril habang naaalala ang tungkol doon. Huminga siya ng malalim at tumingin sa may orasan. Tinignan niya ang oras at nakitang may isang oras pa bago matapos ang sumpa. Binuksan niya ang malaking bintana sa kwarto niya at lumundag pababa. Ibinuka niya ang pakpak at lu
