FAYE
Hapon na ako umuwi dito sa penthouse. Sa bahay muna ni Lolo Sabby ako nanatili habang nasa trabaho si Sir Adi para hindi ako mag-isip ng kung ano-ano kapag mag-isa lang ako sa loob ng silid namin.
Si Brando rin ang kasama ko nang dumaan kami kanina sa hospital bago umuwi dito sa bahay. Unti-unti ay nasanay na ako sa pabago-bago ng expression niya, kilos, at pananalita, kaya naging normal na sa akin ang pagiging seryoso at kung minsan naman ay pagiging kikay at kilos binabae ng kaibigan ko.
Matapos maligo, dahil pinagpawisan ako sa labas kanina, ay lumabas na ako ng silid para tingnan kung tapos na ng maghanda ng hapunan sina Manang Norma.
May natanggap kasi akong text message mula sa asawa ko at sinabi niya na pauwi na siya at malapit na dito sa bahay, kaya gusto kong ihanda na an
