FAYE
Alam kong nag-aalala rin si Brando kay Lorabel dahil hindi namin siya makontak ngayon, pero hindi ko puwedeng sabihin sa kaniya kung ano ang hinala ko dahil hindi pa ako sigurado.
Noong nagpapanggap akong bingi at kasama ko sa kotse si Lorabel dahil sinundo ako ni Mang Zarex sa unibersidad, narinig kong ang usapan nila na susunduin raw niya ang kaibigan ko kinagabihan at isasama sa kaniyang bahay.
Nahuli ko rin sa loob ng campus si Lorabel na palihim na nakikipag-usap kay Mang Zarex, pero hindi ko na muna sinabi kay Brando ang tungkol doon, lalo na ang nakita kong mga marka sa leeg ng kaibigan namin at ang ilang ulit niyang pagsusuka.
Sa tingin ko'y nahihiya si Lorabel na magsabi sa amin ng kaugnayan niya kay Mang Zarex dahil baka ang inaakala niya ay huhusgahan namin siya.
Sa ak
