FAYE
Wala kaming kibuan ni Sir Adi habang sakay ng kanyang kotse at nagmamaneho siya pabalik sa Maynila. Nakaupo ako dito sa likuran, kasama ang alaga ko. Hindi naman ako nahirapan kay Janica dahil natutulog siya sa kanyang upuan. Mukhang nasanay na siyang lumalabas at gusto niyang sumasakay ng sasakyan dahil nakatulog siya agad nang umalis kami sa kampo.
Hindi kami nag-uusap ni Sir Adi. Hindi rin siya nagbukas ng kahit anong usapan dahil ang akala siguro niya ay natutulog ako dahil kanina pa ako nakapikit.
Tahimik kami sa buong biyahe hanggang sa nakarating kami sa Maynila. Bumaba agad ako ng sasakyan at binuhat ang alaga ko dahil gusto kong matakpan ang aking dibdib.
Sinuot ko kasi ang isa sa mga bestidang binili ni Sir Adi para sa akin. Hindi talaga ako komportable na suot ito, pero
