FAYE
“Oh my God! Ang guwapo naman niya, Faye,” impit na tili ni Brando sa tabi ko.
Hindi ko siya pinansin dahil humakbang palapit sa amin si Sir Adi. Ngumiti siya sa akin at binati ako.
“How was your first day, honey?”
“Okay naman,” mahina kong sagot, dahil alam kong maraming mga mata ang nakatingin sa amin.
Nahihiyang bumaling ako sa mga kasama ko. “Ah, mauna na ako sa inyo.”
“Di ba sasabay sa iyo si Lorabel?” tanong ni Brando.
Oo nga pala, nakalimutan ko. Ngumiti ako sa mga bago kong kaibigan at pagkatapos ay bumaling kay Sir Adi.
“Puwede ba nating ihatid si Lorabel sa kanila?”
“Sure,” mabilis namang sagot ni Sir Adi.
“Puwede rin ba akong sumama sa inyo?” sabat ni Brando.
Nakita kong umasim ang mukha ni Sir Adi. Nangunot ang kaniyang noo, kaya mabilis akong lumapit sa kaniya
