FAYE
Sa isang mamahaling restaurant ako dinala ni Sir Adi. Siya ang nag-order ng pagkain namin dahil hindi ako pamilyar sa mga nakasulat sa listahan ng menu ng ganitong fine dining.
Napansin ko rin kung paano kami sinundan ng tingin ng mga tao dito sa restaurant. Siguro ay dahil nakasuot ako ng aking uniporme, tapos formal ang pananamit ni Sir Adi, at hawak-kamay kaming pumasok, kaya nakuha namin ang atensyon ng mga customer dito.
Gusto ko sanang hatakin ang kamay ko dahil nahihiya ako, pero hindi ito binitiwan ng asawa ko.
“Honey, ayaw mo ba ng pagkain mo?” tanong ni Sir Adi.
Tahimik kasi ako at hindi ko rin ginagalaw ang pagkain sa aking harapan. Narinig ko siyang nagsalita, pero dahil malalim ang aking iniisip, ay hindi ko siya sinagot.
“Wala ka bang trabaho ngayon?” tanong ko kay
