FAYE
Gaya kahapon, hinatid ako ni Sir Adi ngayong umaga dito sa unibersidad na pinapasukan ko. Pagbaba ko pa lang sa sasakyan, nakita ko agad si Brando na mukhang naghihintay sa akin kasama si Lorabel.
“Sa wakas, dumating na ang ating prinsesa,” sabi ni Brando nang lumapit ako sa kanila.
“Ang haba ng buhok mo, Ateng. Mayaman at pogi ang naghahatid-sundo sa iyo araw-araw.”
Ngumiti lang ako sa kaniya at binati sila.
“Bakit nandito kayo?” tanong ko sa mga kaklase ko.
“Naku, daig pa nitong si Brando ang security guard,” sagot ni Lorabel. “Pagbaba ko pa lang, hinatak na agad ako dito para hintayin ka raw namin.”
Napangiti ako sa kanila. “Paano pala kung hindi ako pumasok? Di maghapon kayong maghihintay sa akin?” natatawang tanong ko sa kanila habang naglalakad kami papunta sa building n
