FAYE
Nang tumunog ang bell, hudyat na tapos na ang pangalawang subject namin ngayong araw, kinalabit ako ni Lorabel.
“Pupunta na ba tayo sa canteen ngayon o sa guidance office?” tanong ng kaibigan ko sa akin.
Tiningnan ko ang suot kong relo sa aking braso. Isang oras na pala matapos kong makausap si Sir Adi, kaya sinabi ko kay Lorabel na titingnan ko muna kung nandito na ang magpapanggap na magulang namin.
Kinuha ko ang aking cellphone at tiningnan kung may text message akong natanggap kay Sir Adi.
Napangiti ako nang mabasa kong nasa labas na raw siya at naghihintay sa loob ng kanyang sasakyan.
“Nandito na sila,” sabi ko sa aking mga kaibigan.
“Tamang-tama, break time natin,” natutuwang sabi ni Brando.
Nagpasya na kaming pumunta sa kabilang building para puntahan ang guidance offic
