FAYE
Ang akala ko'y magagalit si Mr. Miller kay Sir Adi, pero nakita kong nginisihan siya nito. Parang ayos lang sa kanya ang narinig, kahit brusko ang pakikitungo sa kanya ng asawa ko.
“Talagang sinama mo pa iyong mga alepores mo para magpanggap,” sabi ni Mr. Miller, kaya muli kaming nagkatinginan ng aking mga kaibigan dahil alam pala niya ang ginawa namin.
Nginisihan siya ni Sir Adi at bumaling sa akin. “Honey, meet my cousin. Kapatid siya ni Danaya.”
Nanlaki ang aking mga mata habang nakatingin kay Mr. Miller. Kaya pala mukha siyang foreigner at ganoon din si Ate Danaya dahil Canadian daw ang kanilang ama.
“Kilala mo na pala ang kapatid ko,” sabi ni Mr. Miller.
Tumango ako at ngumiti sa kanya. “Opo, kasama ko po si Ate Danaya sa isla noong nagbubuntis siya at doon kami tumira.”
“
